Is féidir Nuachtlitir Aonach Mhacha / CAIRDE Teo a íoslódáil anseo.
Category Archives: Uncategorized @ga
Campa Mhacha 2022
Osclaíonn clárúchan do Champa Mhacha 2022 ar an 6ú Meitheamh 2022 12pm.
Tabhair faoi deara go bhfuil spásanna teoranta againn agus beidh spásanna faighte ar bhunús nach bhfuil in áirithe.
Caithfidh tú clárú ar líne @ www.cairdeteo.com
Le níos mó eolais a fháil, gabh i dteagmháil le Cáit ar:
028 37998160
NÓ
eolas@cairdeteo.com
Ranganna an Earraigh – Bronnadh na bhFáinní & na dTeastas
Comhghairdeas leis na daltaí uilig a d’fhreastal ar na ranganna don téarma seo le Cairde Teo ar feadh 10 seachtain in Aonach Mhacha!Bhí oíche den a scoth againn ag ceiliúradh ag Bronnadh na bhFáinní agus na dTeastas!
Maith sibh ar fad 
Buíochas ollmhór leis na múinteoirí ar fad Lauren Nic Conmhaoil, Roise Ní Aodha, Colly Ó Madáin agus Roisin Nic an Bheatha as an obair ar fad an téarma seo!
Rang Tacaíochta GCSE
Comhghairdeas leis na daltaí a bhí ag freastal ar an Rang Tacaíochta GCSE de chuid Cairde Teo in Aonach Mhacha ar feadh 10 Seachtain ansin!
Go raibh míle maith agat do bhur múinteoir Caoimhe Ní Fhanthorpa as an rang a stiúradh!
Tá súil ‘s againn gur bhain sibh sult as agus gur chuir sibh snas ar bhur gcuid scileanna teanga agus bhur gcuid Gaeilge ar ndóigh!
Maith sibh ar fad 
#SnaG22 – Seoladh Leabhar ‘Pluid’ le hEoghan MacCormaic
Chuir muid fáilte roimh Eoghan Mac Cormaic sa Seomra Comhdála ag Aonach Mhacha lena leabhar nua ‘Pluid: Scéal na mBlocanna H 1976-81’ a sheoladh do phobal Ard Mhacha mar chuid de cheiliúradh Sheachtain na Gaeilge. Bhí scaifte breá i láthair le scéal Eoghan a chloisteáil. Míle buíochas le hÉoghan as teacht!
#SnaG22 – Dianchúrsa
Bhí athas an domhain orainn go raibh muid ábalta ár gcéad Dianchúrsa aghaidh le haghaidh a bheith againn in Aonach Mhacha thar Seachtain na Gaeilge. Bhí scaifte breá Gaeil i láthair agus ba dheas an rud é daoine a fheiceáil le chéile arís ag foghlaim leo.
Míle buíochas do na múinteoirí agus na foghlaimeoirí a bhí i láthair agus an fhoireann ag Aonach Mhacha agus go háirithe Caifé Mhaca as lón galánta a shólathar d’achan duine!
#SnaG22 – Searmanas Cultúrtha na Síne
Bhí athas an domhain orainn fáilte a chur roimh An Institiúid Confúiceach ag Ollscoil Uladh chun gné Idirnáisiúnta a chur lenár gCeiliúradh Sheachtain na Gaeilge in Aonach Mhacha. Chuir siad Searmanas Tae Sínise ar fáil chomh maith le ceol traidisiúnta na Síne. Bhí Cleamaraí Ard Mhacha i láthair le blaiseadh a thabhairt dár gcuairteoirí den traidisiúin agus den cheol atá againn féin.
Tráthnóna den scoth a bhí ann! Míle buíochas leis an Institiúid Confúiceach ag Ollscoil Uladh agus Cleamaraí Ard Mhacha!
#SnaG22 – Ceolchoirm na Féile – Clann Mhic Ruairí
Bhí tús spleodrach againn de Sheachtain na Gaeilge 2022! Tháinig Clann Mhic Ruairí go hArd Mhacha agus bhí oíche den chéad scoth againn i gCultúrlann Aonach Mhacha!
Míle buíochas Aodh, Dónall, Seán, Tony agus Megan ó Chlann Mhic Ruairí as oíche le scoth an cheoil a sholáthar dúinn! Bhain muintir Ard Mhacha an-sult ar fad as!
Clann Mhic Ruairí ag teacht go hArd Mhacha
Is ar an Sathairn bheag 4ú Márta a bheas Clann Mhic Ruairí linn ar a 8pm in Aonach Mhacha.
Banna ceoil tíre/traidisiúnta Éireannach is ea Clann Mhic Ruairí, ina measc tá deartháireacha Tony (amhránaí), Aodh (amhránaí / giotáraí), Sean (amhránaí), Dónall (amhránaí / cnagcheoltóir) agus iníon le Tony Megan (piano agus amhránaí). Mar theaghlach, tógadh iad ar amhráin agus scéalta Gaelacha Ghaeltacht Rann na Feirste i gContae Thír Chonaill.
Is cinnte o mbeidh oíche ar dóigh ann!
Lá Fhéile Bhríde
Bhí lá lán le spórt agaus spraoí againn ag Aonach Mhacha leis na páistí Rang 6 ó Bhunscoil Naomh Maolmhadóg agus na Clamairí Ard Mhacha agus muid ag ceiliúradh Lá Fhéile Bhríde 
